Şirkət əməkdaşı xidməti avtomobillə 33 yaşlı qadını vuraraq öldürüb

https://report.az/storage/news/a45b57156e3d89e93bbb6b7d184c0d88/6c8158f5-4371-4700-9360-6ed21f5eaf36_292.jpg

Bakı. 18 yanvar. REPORT.AZ/ Bakıda şirkət əməkdaşı xidməti avtomobillə 33 yaşlı qadını vuraraq öldürüb.

"Report"un xəbərinə görə, hadisə Nərimanov rayonunda qeydə alınıb.

Belə ki, Heydər Əliyev prospektində 1986-cı il təvəllüdlü Ramin Qurbanov idarə etdiyi "Mercedes" markalı avtomobillə yolu keçmək istəyən piyada 1984-cü il təvəllüdlü Ramilə Qasımovanı vurub. Nəticədə R.Qasımova hadisə yerində ölüb.

Qeyd edək ki, R.Qurbanov "Nisbət MMC"-də sürücü vəzifəsində işləyir, onun idarə etdiyi avtomobil şirkətə məxsusdur.

Faktla bağlı Nərimanov Rayon Polis İdarəsində araşdırma aparılır.