Yuxarı

Şəmkirdəki silahlı insidentlə bağlı cinayət işi açılıb - YENİLƏNİB

Şəmkirdəki silahlı insidentlə bağlı cinayət işi açılıb - YENİLƏNİB 478

Şəmkir. 17 yanvar. REPORT.AZ/ Şəmkir rayonunda odlu silahla həmyerlisini güllələyən şəxs barəsində cinayət işi açılıb.

"Report"un Qərb bürosunun məlumatına görə, bu gün günorta saatlarında Kəlbəcər rayonundan məcburi köçkün olan və Şəmkir rayonunda məskunlaşmış, 1992-ci il təvəllüdlü Mircəlal Əziz oğlu Mehdiyevi hər iki bud nahiyəsindən güllələyərək yaralayan həmyerlisi, 1991-ci il təvəllüdlü Ramin Kərimov barəsində cinayət işi açılıb. 

Belə ki, cinayəti törətdikdən sonra hadisə yerindən qaçan şübhəliyə Cinayət Məcəlləsinin 221.3 (Xuliqanlıq, silahdan və ya silah qismində istifadə edilən əşyaları tətbiq etməklə törədildikdə) maddəsi ilə ittiham irəli sürülüb.

Qeyd edək ki, hadisə Şəmkir şəhərinin ərazisində bazarda ticarətlə məşğul olan M.Mehdiyevlə R.Kərimov arasında şəxsi münasibətlər zəminində baş verib. Hazırda R.Kərimovun saxlanılaraq istintaqa cəlb olunması istiqamətində əməliyyat-axtarış tədbirləri davam etdirilir.


*** 14:26

Şəmkir rayonunda məcburi köçkün güllələnib.

"Report"un Qərb bürosu xəbər verir ki, hadisə rayonun "Təzə Məhəllə" yaşayış massivində baş verib.

Belə ki, Kəlbəcər rayonundan olan məcburi köçkün, 1992-ci il təvəllüdlü Mircəlal Əziz oğlu Mehdiyev şəxsi münaqişə zəminində hələlik adı məlum omayan şəxs tərəfindən ov tüfəngi ilə vurulub. M.Mehdiyev bud nahiyəsindən iki güllə yarası alıb. Yaralı Şəmkir Rayon Mərkəzi Xəstəxanasına yerləşdirilib. Hadisəni törədən şəxs qaçıb.

Faktla bağlı araşdırmalara başlanılıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi