Şəmkir rayonunun Qasımalılar kəndində minik avtomobili yük maşını ilə toqquşub, ölən və xəsarət alan var.
"Report"un Qərb bürosunun məlumatına görə, "VAZ" və "KamAZ" markalı avtomobillərin toqquşması nəticəsində minik maşınının sürücüsü, Gədəbəy rayon sakini, 1992-ci il təvəllüdlü Elvin Nazim oğlu Abdullazadə ağır xəsarət alıb. Onun sərnişini olan qonşusu, 2007-ci il təvəllüdlü İlkin Elman oğlu İmanov isə aldığı xəsarətlərdən hadisə yerindəcə dünyasını dəyişib.
Yaralı xəstəxanaya yerləşdirilib, vəziyyəti ağır olaraq qalır.
Faktla bağlı cinayət işi açılıb, araşdırma aparılır.