Şəmkirdə yük avtomobili kanala aşıb, ölənlər var 

Şəmkir rayon Qapanlı kəndində 2 nəfərin ölümü ilə nəticələnən yol-nəqliyyat hadisəsi olub.

"Report"un Qərb bürosunun məlumatına görə, kiçiktutumlu yük maşınının idarəetmədən çıxaraq kanala aşması nəticəsində 2 nəfər aldıqları xəsarətlərdən hadisə yerində dünyasını dəyişib.

Onların Şəmkir rayonunun Mahmudlu kənd sakini, 1988-ci il təvəllüdlü Tural İsgəndərli və Şəmkir rayon Mahmudlu kənd sakini, 1988-ci il təvəllüdlü Elçin Manafov olduğu məlum olub.

Faktla bağlı araşdırma aparılır.