Şəmkir rayonunda qəsdən adam öldürməyə cəhddə təqsirləndirilən Fəxri Əhmədova hökm oxunub və o, 3 il 6 ay müddətinə azadlıqdan məhrum edilib.
"Report"un xəbərinə görə, bu barədə hökm Gəncə Ağır Cinayətlər Məhkəməsində elan olunub.
Hökmdə qeyd edilib ki, F.Əhmədov Cinayət Məcəlləsinin (CM) 126.1-ci (Qəsdən sağlamlığa ağır zərər vurma) maddəsi ilə təqsirli bilinsin.
Xatırladaq ki, hadisə 2020-ci il oktyabr ayının 20-də Şəmkir rayonu ərazisində qeydə alınıb.
Belə ki, rayon sakini, 1991-ci il təvəllüdlü Əhmədov Fəxri Akif oğlu qonşusu, 1991-ci il təvəllüdlü Əhmədov Fəxri Akif oğluna şəxsi münasibətlər zəminində aralarında yaranan mübahisə zamanı bıçaqla xəsarətlər yetirib.
F.Əhmədov şübhəli şəxs qismində tutularaq istintaqa cəlb edilib.
İstintaq orqanı tərəfindən onun barəsində CM-nin 29, 120.1-ci (Qəsdən adam öldürməyə cəhd) maddəsi ilə ittiham irəli sürülüb.