Şəmkirdə orta yaşlı kişini elektrik cərəyanı vurub

Şəmkir şəhərində Emin adlı yerli sakin (soyadı dəqiqləşdirilir - red) iş görən zaman ehtiyatsızlıq etdiyindən onu elektrik cərəyanı vurub.

"Report"un Qərb mərkəzinin məlumatına görə, hadisə yerinə təcili tibbi yardım briqadası cağırılıb və o, xəstəxanaya aparılıb.

Zərərçəkənin həyatı üçün təhlükənin olmadığı bildirilir.

Faktla bağlı araşdırma aparılır.