Şəmkirdə avtomobildən 40 min manat oğurlayan şəxs tutulub

Bakı. 26 fevral. REPORT.AZ/ Şəmkir rayonuna həmyerlisinin avtomobilindən 40 min manat pul oğurlayan şəxs tutulub. "Report" daxili İşlər Nazirliyinin  (DİN) saytına istinadən xəbər verir ki, fevralın 25-də rayonun 20 Yanvar küçəsində Sarif Əliyev həmyerlisi Yalçın Sadıqova məxsus “Mercedes” markalı avtomobildən açıq talama yolu ilə içərisində 15000 manat və 15800 ABŞ dolları, habelə 1 ədəd mobil telefon olan torbanı götürüb qaçıb. S.Əliyev  həmin ərazidə xidmət aparan polis əməkdaşları tərəfindən tutulub.
Faktla bağlı Şəmkir Rayon Polis Şöbəsində (RPŞ) araşdırma aparılır.