Şəmkir sakinindən 2 kiloqramdan çox narkotik vasitə aşkarlanıb

Şəmkir. 4 may. REPORT.AZ/ Şəmkir rayonunda küllü miqdarda narkotik vasitə dövriyyədən çıxarılıb.

Bu barədə "Report"un Qərb bürosuna DİN mətbuat xidmətinin Gəncə Regional qrupundan bildirilib. 

Şəmkir Rayon Polis Şöbəsinin (RPŞ) əməkdaşlarının keçirdikləri uğurlu əməliyyat tədbirləri nəticəsində 2 kiloqramdan artıq xnarkotik vasitə aşkar edilərək qanunsuz dövriyyədən çıxarılıb.

Belə ki, mayın 3-də Şəmkir RPŞ-nin əməkdaşlarının keçirdikləri əməliyyat-axtarış tədbirləri nəticəsində rayonun Çinarlı kəndində yaşayan Anar Əliyevin evindən 2 kiloqram 210 qram qurudulmuş marixuana aşkarlanaraq götürülüb.

Faktla bağlı Cinayət Məcəlləsinin müvafiq maddələri ilə cinayət işi başlanılıb, istintaq davam etdirilir.