Yuxarı
    Bağlamaq

    Şəmkir sakini torpaq sahəsinə görə əmisi arvadını döyüb

    Zərərçəkənin vəziyyəti orta-ağırdır

    Şəmkir. 15 mart. REPORT.AZ/ Şəmkirdə qohumlar arasında torpaq sahəsi üstündə düşən davada qadın döyülüb.

    Şəmkir rayon Polis şöbəsindən "Report"un Qərb bürosuna verilən məlumata görə, hadisə rayonun Könüllü kəndində baş verib.

    Kənd sakini Anar Namazovla əmisi arvadı Minarə Namazova arasında torpaq sahəsi üstündə mübahisə yaranıb. Bu zaman A.Namazov qadını döyərək ona müxtəlif bədən xəsarətləri yetirib. Yaralı qadın yaxınlarının köməkliyi ilə Şəmkir Rayon Mərkəzi Xəstəxanasına aparılıb. Tibbi yardım göstərildikdən sonra Travmatologiya şöbəsinə yerləşdirilən M.Namazovanın vəziyyəti orta-ağırdır. Hadisəni törədən şəxs isə polis əməkdaşları tərəfindən saxlanılıb.

    Faktla bağlı Şəmkir rayon Polis şöbəsində araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi