Şəmkir sakini atdan yıxılaraq ağır xəsarət alıb

Şəmkir. 10 dekabr. REPORT.AZ/ Şəmkir rayonunda gənc atdan yıxılaraq boynunu sındırıb.

"Report"un Qərb bürosunun məlumatına görə, rayon sakini, 1993-cü il təvəllüdlü, İsmayılov Kamil Nürəddin oğlu atdan yıxılaraq boynunu sındırıb.

Ağır xəsarət alan K. İsmayılov yaxınlarının köməyi ilə xəstəxanaya aparılıb. Həkimlər onun vəziyyətinin ağır olduğunu bildiriblər.

Faktla bağlı Şəmkir Rayon Polis Şöbəsində araşdırma aparılır.