Şəkidə mikroavtobus piyadanı vuraraq öldürüb

Şəki rayonunda ölümlə nəticələnən yol qəzası olub.

"Report"un Şimal-qərb bürosunun məlumatına görə, hadisə bu gün axşam saatlarında Şəki şəhəri Salman Mümtaz küçəsində qeydə alınıb.

Belə ki, İmran Qayqiyevin idarə etdiyi "Mercedes Vito" markalı mikroavtobus yolu keçmək istəyən Şəki sakini 54 yaşlı Sahib Maksudovu vurub.

Piyada hadisə yerində keçinib.

Faktla bağlı araşdırma aparılır.