Şəki rayonunda bir neçə nəfərin xəsarət alması ilə nəticələnən yol-nəqliyyat hadisəsi baş verib.
"Report"un Şimal-qərb bürosunun məlumatına görə, hadisə Yevlax-Zaqatala-Gürcüstan sərhəd yolunun rayonun Böyük Dəhnə kəndindən keçən hissəsində qeydə alınıb.
Belə ki, hərəkətdə olan "VAZ-2106" markalı avtomobil "Qazel" markalı yük avtomobili ilə toqquşub. Qəza zamanı "Qazel"də olan 3 nəfər - sürücü və 2 qadın xəsarət alıb. Yaralılar Şəki Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
![](https://static.report.az/photo/c0486496-eda1-3f2f-828d-aa0c8739664c_300.jpeg)
![](https://static.report.az/photo/1c95348e-88b9-3e9a-b44f-9267ba2f44ea_300.jpeg)
![](https://static.report.az/photo/42cfbaf6-eefb-3582-9fc7-f4332e32f2a2_300.jpeg)
![](https://static.report.az/photo/ea3e2cae-1ac6-3b9f-b9be-d45214fcdc5c_300.jpeg)
![](https://static.report.az/photo/a3356e4b-12b7-3cea-836d-568c62bb4ef7_300.jpeg)