Şəkidə avtomobil aşıb, 4 nəfər xəsarət alıb - YENİLƏNİB

Şəkidə baş verən yol qəzası zamanı xəsarət alanların şəxsiyyəti məlum olub.

"Report"un Şimal-qərb bürosunun məlumatına görə, qəza zamanı Mingəçevir şəhər sakini Sərxan Quluzadənin idarə etdiyi "Mercedes" markalı avtomobil idarəetmədən çıxaraq yol kənarına aşıb.  

Nəticədə avtomobildə olan sərnişinlər, Mingəçevir şəhər sakinləri - Vüqar Məmmədəliyev, Qalib Muradov, Qəhrəman Qurbanlı və İlqar Hüseynov müxtəlif dərəcəli bədən xəsarətləri alıblar.

Xəsarət alan şəxslərin Mingəçevirdən Oğuza yas mərasiminə getdikləri bildirilib.

Şəkidə dörd nəfərin xəsarət alması ilə nəticələnən yol-nəqliyyat hadisəsi baş verib.

"Report"un Şimal-qərb bürosunun məlumatına görə, hadisə Oğuz-Şəki avtomobil yolunun rayonun Qayabaşı kəndi ərazisindən keçən hissəsində qeydə alınıb.

Belə ki, hərəkətdə olan "Mercedes" markalı avtomobil idarəetmədən çıxaraq yol kənarına aşıb.

Nəticədə avtomobildə olan 4 nəfər müxtəlif dərəcəli bədən xəsarətləri ilə Oğuz Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.