Şəki sakinindən yarım kiloqrama yaxın narkotik vasitə götürülüb

Bakı. 9 mart. REPORT.AZ/ Şəki rayonunda üzərində narkotik vasitə gəzdirən şəxs saxlanılıb.

Bu barədə "Report"un Şimal-qərb bürosuna DİN-nin Mətbuat xidmətinin Şəki regional qrupundan bildirilib. 

Məlumata görə, narkotik vasitələrin qanunsuz dövriyyəsi ilə məşğul olmaqda şübhəli bilinən şəhər sakini Nail Qasımov saxlanılıb. Onun üzərinə şəxsi axtarış keçirilən zaman ümumi çəkisi 470 qram nakotik vasitə olan qurudulmuş marixuana aşkar olunaraq götürülüb.

Faktla bağlı araşdırma aparılır.