Bakı. 27 iyul. REPORT.AZ/ Bu gün Bakı-Qazax-Gürcüstan yolunun Qazax rayonu ərazisindən keçən hissəsində yol qəzası baş verib. "Report"un məlumatına görə, Gürcüstan istiqamətində hərəkətdə olan “Shacman” markalı yük maşını Qazax rayonunun Yuxarı Salahlı kəndi ərazisində qəzaya uğrayıb. Yüklə dolu maşının sürücüsü qəfildən idarəetməni itirdiyini görərək özünü yuk maşınının kabinəsindən atıb. Nəticədə maşın yoldan kənara aşıb. Hadisə nəticəsində xəsarət alan olmasa da, yük maşını yararsız hala düşüb.
Hadisənin baş vermə səbəbləri araşdırılır.