Samuxda ata və iki oğlu bıçaqlanıb - YENİLƏNİB

Samux rayonunda əmisini və onu iki oğlunu bıçaqlamaqda şübhəli bilinən şəxs saxlanılıb.

"Report"un Qərb Mərkəzinin məlumatına görə, Vüqar Səfərov Samux Rayon Polis Şöbəsinin əməkdaşlarının keçirdiyi əməliyyat-axtarış tədbirləri nəticəsində tutulub.

Hadisənin təsərrüfatı suvarmaq üstündə baş verən mübahisənin səbəb olduğu bildirilir.

Fakt üzrə cinayət işi başlanılıb, araşdırma aparılır.

Samux rayonunda qohumlar arasında dava baş verib.

"Report"un Qərb Mərkəzinin məlumatına görə, hadisə Tatlı kəndində qeydə alınıb.

Belə ki, qohumlar arasında yaranmış mübahisə zəminində 1971-ci il təvəllüdlü Səfərov Mətləb Oktay oğlu və onun iki oğlu - 1985-ci il təvəllüdlü Röyal Səfərov və 1993-cü il təvəllüdlü İlkin Qurbanov bıçaqlanıblar. Yaralılar xəstəxanaya yerləşdirilib, birinin vəziyyəti ağırdır.

İlkin məlumata görə, hadisəni törədən şəxs M.Səfərovun əmisi oğludur.

Faktla bağlı araşdırma aparılır.