Samur-Abşeron kanalında batan uşağın meyiti tapılıb

Samur-Abşeron kanalında batan uşağın meyiti tapılıb.

"Report"un Şimal bürosunun məlumatına görə, su kanalının Xaçmaz rayonu, Armudpadar kəndindən keçən hissəsində, nəzarətsiz ərazidə batdığı ehtimal olunan 2013-cü il təvəllüdlü Pirsaatov Məhəmməd Elsevər oğlunun axtarışları başa çatıb.

Onun meyiti batdığı ərazinin yaxınlığında, FHN-in Xaçmaz Regional Mərkəzinin dalğıc-axtarış qrupu tərəfindən tapılaraq sudan çıxarılıb və aidiyyəti üzrə təhvil verilib.