Salyanda şagirdləri daşıyan mikroavtobus aşıb, ölən və xəsarət alanlar var - YENİLƏNİB-2

Salyanda qəzaya düşən mikroavtobus Şirvandan Cəlilabada yarışa gedən 2005-2008-ci il təvəllüdlü şagirdləri aparırmış.

"Report"un xəbərinə görə, "Mercedes markalı mikroavtobus idarəetməni itirməsi nəticəsində yolun kənarına aşıb.

Qəza nəticəsində 1 şagird - İlkin Adil oğlu Əhmədov ölüb, 6 nəfər - sürücü, 1980-ci il təvəllüdlü Samir Əhməd oğlu Əhmədov, 2008-ci il təvəllüdlü Ülvi Coşqun oğlu Ağayev, 2008-ci il təvəllüdlü Fərid Saleh oğlu Kazımov, 2005-ci il təvəllüdlü Hüseyn Əliağa oğlu Əzizov, 2007-ci il təvəllüdlü Kamal Samir oğlu Əhmədov, 2008-ci il təvəllüdlü Murad Əhməd oğlu Səfərov, 2007-ci il təvəllüdlü Əli Əfqan oğlu Kazımov və 2008-ci il təvəllüdlü Adəm Seymur oğlu Ramazanov xəsarət alıb. 

---

*** 09:47

Salyanda baş verən yol qəzası zamanı ölən və yaralananların olduğu bildirilir.

"Report"un xəbərinə görə, Ələt-Astara magistral yolunda mikroavtobus qəzaya uğrayıb.

Əlavə məlumat veriləcək.

---

*** 09:19

Salyanda yol-nəqliyyat hadisəsi baş verib.

“Report”un Aran bürosu xəbər verir ki, hadisə bu gün səhər saatlarında yeni Ələt-Astara magistral yolunun rayon ərazisindən keçən hissəsində qeydə alınıb. 

İlkin məlumata görə, baş verən qəza nəticəsində yaralananlar var.

Faktla bağlı araşdırma aparılır.