Bakı. 14 aprel. REPORT.AZ/ Salyan rayonunun Yenikənd kəndində vətəndaşa məxsus fermada yanğın olub.
"Report" xəbər verir ki, hadisə nəticəsində fermanın dam örtüyü yanıb və fermanın içərisində olan 9 baş iribuynuzlu heyvan tüstüdən boğularaq tələf olub.
Fermanın qalan hissəsi və fermada olan 27 baş iribuynuzlu heyvan yanğından mühafizə olunub. Yanğın saat 23:10-da yanğınsöndürənlər tərəfindən söndürülüb.