Bakıda sərnişin avtobusu “KamAZ”la toqquşub, ölən var

Bakının Sabunçu rayonunda sərnişin avtobusunun "KamAZ"a çırpılması nəticəsində bir nəfər ölüb.

"Report"un xəbərinə görə, hadisə avtobus Balaxanı qəsəbəsindən H.Əliyev prospekti istiqamətdə hərəkətdə olarkən baş verib.

Qubat Ələsgərov idarə etdiyi "Çinar" MMC-yə məxsus "Korsan" markalı sərnişin avtobusu ilə yolun sağ tərəfində dayanan "KamAZ" markalı yük avtomobilini vurub.

Nəticədə avtobusda olan sərnişin, 1966-cı il təvəllüdlü Adikə Əliyeva aldığı xəsarətlərdən xəstəxanada ölüb.

Faktla bağlı Sabunçu Rayon Polis İdarəsində Cinayət Məcəlləsinin 263.2-ci maddəsi ilə cinayət işi başlanılıb, istintaq aparılır.