Şabran. 20 aprel. REPORT.AZ/ Azərbaycan Milli Elmlər Akademiyası nəzdində Respublika Seysmoloji Xidmət Mərkəzi Şabran ərazisində baş vermiş zəlzələ haqqında məlumat yayıb.
"Report" Seysmoloji Xidmət Mərkəzinə istinadən xəbər verir ki, zəlzələ yerli vaxtla saat 22:17:20-də, Siyəzəndən 13 km qərbdə, Şabran ərazisində qeydə alının. Zəlzələ episentrdə və yaxın yaşayış məntəqələrində 3 bala qədər hiss olunub.
3,4 maqnitudalı zəlzələnin episentri 10 km dərinlikdə yerləşib.
***22:50
Şabran rayonunda zəlzələ olub.
"Report"un Şimal bürosunun məlumatına görə, yeraltı təkanlar Şabranla yanaşı, Qubada və Xaçmazda da hiss olunub.
Zəlzələ təxminən 3-3,5 bal gücə malik olub.