Sabirabadda yol qəzası olub, xəsarət alan var

Sabirabadda 1 nəfərin xəsarət alması ilə nəticələnən yol-nəqliyyat hadisəsi baş verib.

“Report”un Aran bürosunun məlumatına görə, hadisə axşam saatlarında Sabirabad şəhərində qeydə alınıb.

Belə ki, motosikletlə minik avtomobili ilə toqquşub. Qəza nəticəsində motosikletin sürücüsü, Sabirabad şəhər A.Bakıxanov küçəsi 9 ünvanında yaşayan 1990-cı il təvəllüdlü Rüstəmov Məzahir Rasim oğlu müxtəlif dərəcəli xəsarətlər alıb. Yaralı Şirvan Şəhər Mərkəzi Xəstəxanasına yerləşdirilib.

Faktla bağlı araşdırma aparılır.