Sabirabad rayonunda xəsarətlə nəticələnən yanğın hadisəsi baş verib.
“Report”un Aran bürosunun məlumatına görə, rayonun Qaratəpə kəndində baş verən yanğın zamanı ev sahibi, 1964-cü il təvəllüdlü İbrahimov Rauf Sədirxan oğlu yanıq xəsarətləri alıb.
Qeyd edək ki, hadisə R.İbrahimova məxsus tikintisi hələ başa çatmayan fərdi yaşayış evində olub.
Faktla bağlı araşdırma aparılır.
Sabirabad rayonunda xəsarətlə nəticələnən yanğın hadisəsi baş verib.
"Report" xəbər verir ki, bu barədə Fövqəladə Hallar Nazirliyi məlumat yayıb.
Məlumata görə, Qaratəpə kəndində ümumi sahəsi 104 m² olan tikintisi başa çatmayan kürsülü birmərtəbəli evin dam örtüyünün yanar konstruksiyaları 24 m² sahədə, 1 otağının tavanı 10 m² sahədə və döşəməsi 3 m² sahədə yanıb. Yanğın zamanı 1 nəfər yanıq xəsarəti alıb. Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.