Sabirabadda avtomobil yanıb, xəsarət alanlar var

Sabirabad rayonunda avtomobil yanıb.

Bu barədə “Report”a Fövqəladə Hallar Nazirliyinin (FHN) Mətbuat Xidmətindən məlumat verilib.

Bildirilib ki, rayonun Moranlı kəndində “VAZ” markalı minik avtomobilinin yanar hissələri yanıb. Yanğın zamanı yanıq xəsarətləri alan 2 nəfər Təcili və Təxirəsalınmaz Tibbi Yardım tərəfindən xəstəxanaya aparılıb. Yol kənarındakı kommunikasiya xətləri yanğından mühafizə olunub.

Yanğın yanğından mühafizə bölmələri tərəfindən söndürülüb.