Sabirabadda ağır yol qəzasında ölənlərin və xəsarət alan şəxsin kimliyi məlum olub - YENİLƏNİB

Sabirabadda ölümlə nəticələnən ağır yol-nəqliyyat hadisəsi baş verib.

“Report”un Aran bürosunun məlumatına görə, hadisə Zalqarağac kəndində qeydə alınıb.

Belə ki, “Mercedes” markalı avtomobillə “Chevrolet” markalı nəqliyyat vasitəsinin toqquşması nəticəsində sürücü, 1989-cu il təvəllüdlü Süleymanov Ərzuman Məzahir oğlu və 1978-ci il təvəllüdlü Mədətov Zaur Xudayar oğlu dünyasını dəyişib.

Xəsarət alan Sabirabad rayonunun Çöl Beşdəli kənd sakini, 1996-cı il təvəllüdlü Mustafayev Elməddin Ağazadə oğlu Şirvan Şəhər Mərkəzi Xəstəxanasına yerləşdirilib. Onun koma vəziyyətinə düşdüyü bildirilir.

Faktla bağlı araşdırma aparılır.

13:50

Sabirabadda ölümlə nəticələnən ağır yol qəzası olub.

“Report”un Aran bürosunun məlumatına görə, Zalqarağac kəndində “Mercedes” və “Chevrolet” markalı avtomobillər toqquşub.

Qəza nəticəsində iki nəfər ölüb.

Faktla bağlı araşdırma aparılır.