Sabirabadda 51 yaşlı kişi güllələnib

Sabirabadda güllələnmə hadisəsi baş verib.

“Report”un Aran bürosunun məlumatına görə hadisə rayonun Yolçubəyli kəndində qeydə alınıb.

Belə ki, kənd sakini, 1970-ci il təvəllüdlü Mirmövsümov Mirqiyas Mirheydər oğlu qohumu tərəfindən güllələnib. Yaralı Şirvan Şəhər Mərkəzi Xəstəxanasına çatdırılıb. M. Mirmövsümov cərrahiyyə şöbəsində əməliyyat olunub.

Hadisənin hansı səbəbdən baş verdiyi hələlik məlum deyil.

Faktla bağlı araşdırma aparılır.