Yuxarı

Sabiq müdafiə naziri Səfər Əbiyevin müavininin məhkəməsi təxirə salınıb

Məhkəmə prosesi martın 18-ə təyin edilib

Bakı. 11 mart. REPORT.AZ/ Bu gün Bakı Ağır Məhkəməsində sabiq müdafiə naziri Səfər Əbiyevin müavini olmuş Mehman Səlimovun cinayət işi üzrə məhkəmə prosesi təxirə düşüb.

"Report"un xəbərinə görə, hakim Zeynal Ağayevin sədrliyi ilə keçiriləcək proses M.Səlimovun vəkilinin iştirak etməməsi səbəbindən görə təxirə salınıb.

Məhkəmə prosesi martın 18-nə təyin edilib.

Qeyd edək ki, Mehman Səlimov Cinayət Məcəlləsinin 179.3.2-ci (mənimsəmə - külli miqdarda törədildikdə) və 308.2-ci (vəzifə səlahiyyətlərindən sui-istifadə etmə) maddələri ilə ittiham olunur. M.Səlimov 1995-1999-cu illərdə Azərbaycan müdafiə naziri Səfər Əbiyevin siyasi və ictimai işlər üzrə müavini olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi