Yuxarı
    Bağlamaq

    Sabiq icra başçısı məhkəmə zalında həbs olunub

    Məhkəmənin baxış iclası dekabrın 18-nə təyin edilib

    Bakı. 9 dekabr. REPORT.AZ/ Bakı Ağır Cinayətlər Məhkəməsində Qobustanın sabiq icra başçısı Rafiq Alışovun cinayət işi üzrə məhkəmənin hazırlıq iclası keçirilib.

    "Report"un xəbərinə görə, hakim Mayıl Bayramovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

    Onun barəsində seçilmiş ev dustaqlığı dəyişdirilib. Sabiq icra başçısı barəsində həbs qətimkan tədbiri seçilib. R.Alışov məhkəmə zalında həbs edilib.

    Məhkəmənin baxış iclası dekabrın 18-nə təyin edilib.

    Qeyd edək ki, Alışov Rafiq Şıxməmməd oğlu Qobustan Rayon İcra Hakimiyyətinin başçısı vəzifəsində 1994-2001-ci illərdə işləyib. O, Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə) maddəsi ilə ittiham olunur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi