Yuxarı
    Bağlamaq

    Saatlıda iki avtomobil toqquşub, 2 nəfər xəsarət alıb

    Qəza Qaracalar kəndi ərazisində baş verib

    Saatlı. 26 iyun. REPORT.AZ/ Bu gün günorta saatlarında Saatlının Qaracalar kəndi ərazisində 2 nəfərin xəsarət alması ilə nəticələnən yol qəzası baş verib.

    “Report”un Aran bürosunun məlumatına görə, hadisə 24 yaşlı Füzuli rayon sakini Həsən Oruc oğlu Orucovun idarə etdiyi “Mercedes” markalı minik avtomobilinin İmişlinin Çaxırlı kənd sakini, 32 yaşlı Ramin Şükür oğlu Abbasovun idarə etdiyi “Mercedes”lə toqquşması nəticəsində qeydə alınıb.

    Qəza zamanı müxtəlif dərəcəli ağır bədən xəsarətləri alan hər iki sürücü Saatlı Rayon Mərkəzi Xəstəxanasına çatdırılıb və ilk tibbi yardım göstərildikdən sonra onlar Cərrahiyyə şöbəsinə yerləşdirilib.

    Faktla bağlı araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi