Rusiyada silah oğurlayan Azərbaycan vətəndaşı 1 il müddətinə həbs olunub

Rusiyada silah oğurlayan Azərbaycan vətəndaşı 1 il müddətinə həbs olunub Hadisə Murmans şəhərində qeydə alınıb
Hadisə
131
8 Noyabr , 2017 04:34
Rusiyada silah oğurlayan Azərbaycan vətəndaşı 1 il müddətinə həbs olunub

Bakı. 8 noyabr. REPORT.AZ/ Rusiyanın Murmansk şəhərində yaşayan Azərbaycan vətəndaşı odlu silah oğurlamaqda müqəssir bilinərək həbs olunub.

“Report”un xəbərinə görə, müəyyən edilib ki, müttəhim sərxoş vəziyyətdə olub və ev sahibinin ona fikir verməməsindən istifadə edərək mətbəxdən qəsdən "Sayqa" 410 kalibrli yivsiz lüləli silahın hissələrini və qısa lüləli ov tüfəngini oğurlayıb.

O, oğurladığı əşya ilə hadisə yerindən qaçıb və gödək lüləli tüfəngi tanışının evində gizlədib.

Cinayətin üstü Rusiya Daxili İşlər Nazirliyinin Murmansk üzrə İdarəsi tərəfindən isti izlərlə açılıb. Azərbaycanlı yaşadığı mənzildə saxlanılıb. O, günahını tap olaraq etiraf edib və oğurladığı silahları təhvil verib, eyni zamanda dəyən ziyanı ödəyib.

Məhkəmə tərəfindən qərar qəbul olunan zamanı müttəhimin yaşının azlığı, həmçinin əlil qohumlarının olması, cəzanı yüngülləşdirən halların olması və ağırlaşdıran halların olmaması nəzərə alınıb.

Sonda məhkəmə müqəssiri cəzasını ümumi rejimli əmək-islah müəssisəsində çəkmək şərti ilə 1 il müddətinə azadlıqdan məhrum edib. Hökm qanuni qüvvəsinə hələ minməyib.

Son xəbərlər

Orphus sistemi