Yuxarı

Rusiyada polis küçədə ürəyi dayanmış Azərbaycan vətəndaşını xilas edib

Rusiyada polis küçədə ürəyi dayanmış Azərbaycan vətəndaşını xilas edib

116

Azərbaycanlının nəfəsi gəlmirmiş və nəbzi dayanıbmış

Bakı. 27 yanvar. REPORT.AZ/ Rusiyanın Stavropol diyarında küçədə ürəyi dayanan Azərbaycan vətəndaşı ölümdən xilas edilib.

“Report” xəbər verir ki, bu barədə Rusiya Daxili İşlər Nazirliyinin region üzrə Baş İdarəsi məlumat yayıb.

Ötən gün Stavropolda xidməti vəzifəsini yerinə yetirən kinoloq mütəxəssis İvan Busaryev nəzarət buraxılış məntəqəsi yaxınlığındakı mağazadan kiminsə kömək istədiyini eşidib. Hadisə yerinə gedən polis serjantı huşunu itirmiş kişi aşkar edib. Həmin şəxsin nəfəsi gəlmirmiş və nəbzi dayanıbmış. Polis dərhal radio stansiyası vasitəsi ilə həmkarlarına xəbər verib. Onlar hadisə yerinə "təcili yardım" çağırıblar, asayiş keşikçisi özü isə kişi üzərində təcili reanimasiya tədbirləri görüb. Nəticədə 42 yaşlı Azərbaycan vətəndaşının ürək fəaliyyəti və nəfəsi bərpa olunub, kişi özünə gəlib.

Zərərçəkmiş hadisə yerinə gələn tibb işçiləri tərəfindən stasionar müayinə üçün xəstəxanaya aparılıb. Hazırda Azərbaycan vətəndaşı evə buraxılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi