Rusiyada polis azərbaycanlı videobloqeri saxlayıb

Rusiyada yaşayan azərbaycanlı videobloqer Hüseyn Həsənov paytaxt Moskva şəhərində hüquq-mühafizə orqanları tərəfindən saxlanılıb.

“Report” xəbər verir ki, məlumatı “RİA Novosti” yayıb.

Rusiya Daxili İşlər Nazirliyinin Moskva Baş İdarəsinin mətbuat katibi Vladimir Vasenin jurnalistlərə bildirib ki, yol polisi paytaxtda hərəkətdə olan “Lamborghini” markalı avtomobili dayandırıb: “27 yaşlı paytaxt sakinin idarə etdiyi “Lamborghini Urus” avtomobil saxlanılıb”.

Onun sözlərinə görə, amma sürücü sərxoşluğu müəyyənləşdirmək üçün tibbi müayinədən keçməkdən imtina edib. Bununla bağlı inzibati protokol tərtib olunub.

Xatırladaq ki, Hüseyn Həsənov 1994-cü il iyunun 5-də Rusiyanın Sankt-Peterburq şəhərində anadan olub. Rusiyada videobloqer kimi fəaliyəyt göstərir. Onun instqarmda 17 milyondan çox izləyicisi var.