Yuxarı
    Bağlamaq

    ​Rusiyada meşədə donmuş azərbaycanlı meyiti tapılıb

    Onun axtarışda olduğu bildirilir

    Bakı. 9 noyabr. REPORT.AZ/ Noyabrın 6-da, Rusiyanın Tambov vilayətində Miçurin rayonunun Lesximuçastok qəsəbəsi yaxınlığında 62 yaşlı kişi meyiti tapılıb.

    "Report" "LifeTambov" nəşrinə istinadən xəbər verir ki, meyitin üzərində sənədlər olduğu üçün, onun şəxsiyyətini dərhal müəyyən etmək mümkün olub.

    Məlum olub ki, o, Azərbaycan sakinidir, lakin Rusiya pasportu var və Lipetsk vilayətinin Dankov şəhərində yaşayıb.

    Təqaüdçü "Cinayət barədə qəsdən yalan məlumat vermək" maddəsi üzrə şübhəli bilinərək axtarışda olub.

    Ehtimal ki, o, axtarışa verildiyi üçün piyada Miçurinə, oradan isə harasa getmək qərarına gəlib. Lakin kişi meşədə donaraq dünyasını dəyişib.

    "Onun üzərində şəxsi əşyaları və sənədləri var idi. İlkin ehtimala görə, kişinin ölümünə donvurma səbəb olub", - deyə Rusiya İstintaq Komitəsi İstintaq İdarəsinin Miçurin Rayonlararası istintaq şöbəsinin rəis müavini Vladimir Timoşkin bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi