Yuxarı
    Bağlamaq

    ​Rusiyada iki Azərbaycan vətəndaşı 12 il müddətinə azadlıqdan məhrum edilib

    Onlar satış məqsədi ilə narkotik maddə əldə etməkdə müqəssir biliniblər

    Bakı. 15 mart. REPORT.AZ/ Tümenin Kalinin rayon məhkəməsi satmaq üçün 2 kiloqram həşiş hazırlayan Surqut sakini Bəxtiyar Astanov, həmçinin Azərbaycan vətəndaşları Azad Mirzəyev və Xanoğlan Nurəliyevə qarşı cinayət işi üzrə qərar çıxarıb.

    "Report" xəbər verir ki, bu barədə Rusiya Federasiyası Baş Prokurorluğunun mətbuat xidmətinin məlumatında bildirilir.

    Məlumata görə, 2014-cü ilin dekabrında Astanov tanışları Nurəliyev və Mirzəyevin köməkliyi ilə Tümendə həşiş satışı ilə məşğul olmaq qərarına gəlib. Nurəliyev Astanovun göstərişi ilə 2015-ci ilin yanvar ayında Xabarovskda narkotik alverçilərindən təqribən 2,3 kq. həşiş alıb və narkotik maddəni avtomobilində gizlədərək Tümenə gətirib. Burada onu Mirzəyevə verib və o da narkotik maddəni sonradan satmaq üçün mənzilinə gətirməli idi.

    Məhkəmənin qərarı ilə onların hər üçü ayrılıqda 6 il müddətinə azadlıqdan məhrum ediliblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi