Yuxarı

​Rusiyada 20 yaşlı azərbaycanlı qız oğurlanıb

Cinayətin onun nişanlısı tərəfindən törədildiyi ehtimal edilir

Bakı. 23 Avqust. REPORT.AZ/ Rusiyanın Nevski rayonunda əslən Azərbaycandan olan qızın oğurlanması faktı ilə bağlı işə baxılır.

"Report" Rusiya mətbuatına istinadən xəbər verir ki, ilkin məlumatlara görə, 20 yaşlı qız azərbaycanlı nişanlısı tərəfindən qaçırılıb.

Məlumata görə, ötən gün səhər saatlarında mağazada kassir işləyən 41 yaşlı qadın polisə müraciət edib. Azərbaycanlı qadın bildirib ki, avqustun 22-si saat 21:30-da Narodnı küçəsində yerləşən 14 saylı evin qarşısında üç nəfər onun 20 yaşlı qızını zorla Leninqrad nömrəli "VAZ-2114" markalı avtomobilə mindirərək naməlum istiqamətdə aparıb.

Qızın anası hesab edir ki, onun qızını Moskva sakini olan 24 yaşlı nişanlısı qaçırıb. Məlum olub ki, maşın onun Azərbaycandan gələn hansısa dostunun adına qeydiyyatdadır.

Oğurluq faktı üzrə araşdırma aparılır, iş üzrə materillar İstintaq Komitəsinə təhvil verilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi