Yuxarı

Rəsmi məlumat: Məktəb direktoru iki nəfəri bıçaqladıqdan sonra intihar edib

Faktla əlaqədar cinayət işi başlanıb

Bakı. 3 mart. REPORT.AZ/ Daxili İşlər Nazirliyi (DİN) Lerik rayonunda məktəb direktorunun qonşusunu bıçaqlaması və intihar etməsi hadisəsi ilə bağlı rəsmi məlumat yayıb.

“Report”un xəbərinə görə, nazirliyin məlumatında bildirilib ki, martın 2-də saat 05 radələrində Lerik rayonunun Veri Əliabad kəndində kənd sakini Adil Rəhimov (o, kənd orta məktəbinin direktorudur) aralarında olan münaqişə ilə əlaqədar həmkəndlisi Seyid Qurbanovun yaşadığı evə gəlib tüfəngdən onun istiqamətində 1 dəfə atəş açıb (güllə S.Qurbanova dəyməyib), bıçaqla ona və onun arvadı Sevdaya xəsarət yetirib hadisə yerini tərk edib. O, kəndin qəbristanlığına gedərək həmin tüfəngindən açdığı atəşlə özünü öldürüb.

Lerik Rayon Polis Şöbəsinin əməkdaşları tərəfindən hadisə yerindən 16 kalibrli lüləsi kəsilmiş ov tüfəngi, 1 ədəd qumbara və 1 ədəd mətbəx bıçağı götürülüb.

S.Qurbanov xəstəxanaya yerləşdirilib.

Faktla əlaqədar cinayət işi başlanıb. Araşdırmalar aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi