Qusarda qadın meyiti tapılıb, onun qətlə yetirildiyi ehtimal olunur

Qusar rayonunda gənc qadının yaşdığı evdə ölü tapılıb.

"Report"un Şimal bürosunun verdiyi xəbərə görə, rayon sakini, 1995-ci il təvəllüdlü Ellada Rauf qızı Əlifxanovanın yaşadığı evdə meyiti aşkarlanıb.

İlkin məlumata görə, gənc qadın ailə münaqişəsi zəmnində əri tərəfindən öldürülüb. Meyit müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Qusar Rayon Şöbəsinə yerləşdirilib. Gənc qadının ölümünün dəqiq səbəbləri ekspertizanın rəyindən sonra məlum olacaq.

Onun ölümündə şübhəli bilinən, əri Zedik Muxtar oğlu Əlifxanov saxlanılıb.

Faktla bağlı araşdırmalara başlanılıb.