Yuxarı
    Bağlamaq

    Qusar-Şahdağ yolunda "Niva" dərəyə aşıb, 3 nəfər yaralanıb

    Qəza yolun dumanlı və sərt enişli olması səbəbindən baş verib

    Qusar. 30 oktyabr. REPORT.AZ/ Qusar Şahdağ Qış Yay Turizm Mərkəzinə gedən yolda qəza baş verib.

    "Report"un Şimal bürosunun məlumatına görə, Qusar sakininə məxsus "Niva" markalı avtomobil Qusar-Şahdağ yolunun Çiləgir kəndi ərazisindən keçən hissəsində qəzaya uğrayıb.

    "Niva" yoldan çıxaraq dərəyə aşıb. Nəticədə sürücü və maşında olan 2 sərnişin müxtəlif bədən xəsarətləri alıb. Qusar xəstəxanasına aparılan yaralılar, ilkin tibbi yardım göstərildikdən sonra evə buraxılıblar.

    Hadisə yerinə Qusar rayon Polis şöbəsinin əməkdaşları cəlb olunub. Qəzanın yolun dumanlı və sərt enişli olması səbəbindən baş verdiyi bildirilir.

    Faktla bağlı Qusar polisində araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi