Yuxarı

Qubada yük maşını yanıb - FOTO

Qubada yük maşını yanıb - FOTO
Yanğının başvermə səbəbləri araşdırılır
© Report

Bakı. 27 oktyabr. REPORT.AZ/ Quba rayonunda yük maşını yanıb.

"Report"un Şimal bürosu xəbər verir ki, hadisə rayonun Vəlvələ kəndi ərazisində baş verib.

Belə ki, Bakı-Quba yolunun 145-ci kilometrliyində mişar daşı ilə yüklü dövlət qeydiyyat nömrə nişanı 40-BP-285 olan "Ford" markalı yük maşını paytaxtdan rayona gələrkən yanmağa başlayıb. Yanğını hiss edən sürücü, Quba rayonu, Nügədi kənd sakini Mikayıl Əzizağa oğlu Yehyayev dərhal maşından yerə atılıb.

Məlumata görə, yanğın zamanı sürücü heç bir xəsarət almayıb.

Hadisə yerinə Fövqəladə Hallar Nazirliyinin (FHN) Dövlət Yanğından Mühafizə Xidmətinin Quba rayon yanğından mühafizə hissəsinin canlı qüvvəsi və texnikası cəlb olunub.

Yanğının başvermə səbəbləri araşdırılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi