Qubada yol qəzası olub, ölən var

Qubada yük maşını minik avtomobili ilə toqquşub.

"Report un Şimal bürosunun verdiyi məlumata görə, hadisə Bakı-Quba yolunun İsnovqışlaq kəndi yaxınlığında qeydə alınıb.

Belə ki, "Shachman" markalı yük avtomobili ilə"NİVA" markalı minik avtomobili toqquşub.

Hadisə nəticəsində xəsarət alan rayonun İkinci Nügədi kənd sakini, 1959-cu il təvəllüdlü Əmrulla Sədulla oğlu Əfəndiyev xəsarətlərlə Şabran Rayon Mərkəzi Xəstəxanasına yerləşdirilib, o, xəstəxanada ölüb.

Hadisə yerinə FHN-nin xilasetmə Dövlət Yanğından Mühafizə Hissəsinin Xilasetmə Xidmətinin əməkdaşları cəlb olunub.

Faktla bağlı araşdırma aparılır.