Yuxarı
    Bağlamaq

    Qubada üç uşaq atasını öldürən şəxsə hökm oxunub

    Yusif Babayev 17 il müddətinə azadlıqdan məhrum edilib

    Bakı. 24 may. REPORT.AZ/ Bu gün Bakı Ağır Cinayətlər Məhkəməsində üç uşaq atası olan qohumunu öldürməkdə təqsirləndirilən Yusif Babayevin cinayət işi üzrə məhkəmə prosesi başa çatıb.

    "Report"un məlumatına görə, hakim Samir Əliyevin sədrliyi ilə keçirilən iclasda hökm oxunub.

    Məhkəmənin hökmü ilə Y.Babayev 17 il müddətinə azadlıqdan məhrum edilib.

    Xatırladaq ki, dövlət ittihamçısı çıxışında Y.Babayevin 19 il müddətinə azadlıqdan məhrum edilməsini istəyib.

    Qeyd edək ki, hasidə 2016-cı ilin noyabr ayında Quba rayonunun Barlı kəndində baş verib. Kənd sakini, 37 yaşlı Ramiz Məmmədov qohumu, 1961-ci il təvəllüdlü Yusif Babayev tərəfindən bıçaqlanıb. O, dərhal Xaçmaz Rayon Mərkəzi Xəstəxanasına aparılıb. Vəziyyəti ağır olan Ramiz Məmmədov əməliyyat otağına aparılarkən dünyasını dəyişib.

    Bıçaqlanaraq öldürülən R.Məmmədov 3 uşaq atasıdır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi