​Quba şəhərində bir neçə ev yanıb - VİDEO

Bakı. 27 sentyabr. REPORT.AZ/ Quba şəhərinin Heydər Əliyev prospektində yerləşən bir neçə evdə güclü yanğın baş verib.

"Report" xəbər verir ki, yanğın nəticəsində 3 ev tam olaraq yanıb, daha iki evin dam örtüyünə ziyan dəyib.

Hadisə yerinə Fövqəladə Hallar Nazirliyinin Quba Yanğından Mühafizə Xidmətinin 3, Qusar Yanğından Mühafizə Xidmətinin 2, Təcili Yardım Stansiyasının da iki maşını cəlb olunub.

Yanğın yerinə Quba rayon Polis şöbəsinin rəisi Telman Ağasiyev də gəlib.

Hadisə nəticəsində Zəbi Nəcəfov, Nadir Əmirxanov, Səlim Həmidovun evi tam, Faiq Həmidov və Qaflan Ömərovun mənzili isə qismən yanıb.