Yuxarı

Qubada təbii qaz balonunun partlaması nəticəsində ev yanıb, bir nəfər xəsarət alıb - FOTO - VİDEO

Yanğın söndürülüb, faktla bağlı araşdırma aparılır

Bakı. 20 avqust. REPORT.AZ/ Quba rayonunda məişətdə istifadə edilən təbii qaz balonu partlayıb. 

"Report"un Şimal bürosu xəbər verir ki, hadisə rayonun Təngəaltı kəndində baş verib. 

Belə ki, Mahir Məhəmməd oğlu Həsənova məxsus 4 otaqlı evdə qaz balonu partlaması nəticəsində yanğın çıxıb. Nəticədə ev tamamilə yanıb, 38 yaşlı ev sahibi M.Məmmədov isə yanıq xəsarəti alıb. Evdən heç bir əşyanı çıxartmaq mümkün olmayıb.

Hadisə yerinə Fövqəladə Hallar Nazirliyinin (FHN) 2 yanğınsöndürən maşını və canlı qüvvəsi, həmçinin Quba rayon polis şöbəsinin əməkdaşları cəlb olunub.

Yanğın söndürülüb, faktla bağlı araşdırma aparılır. 



Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi