Bakı. 11 iyun. REPORT.AZ/ Qubada orta yaşlı kişi bıçaqlanıb.
"Report"un məlumatına görə, hadisə rayonun Pirvahid kəndində baş verib.
1978-ci il təvəllüdlü Qasımov Bəhruz Nazir oğlu tanışı ilə şəxsi münasibətlər zəminində mübahisə edib. Mübahisə zamanı tanışı ona bıçaq xəsarəti yetirib. B. Qasımov ağır xəsarət alaraq xəstəxanaya yerləşdirilib.
Faktla bağlı Quba Rayon Polis Şöbəsində cinayət işi başlanılıb.