Yuxarı
    Bağlamaq

    Qubada dərəyə aşan mikroavtobusda yaralananların adları məlum olub - YENİLƏNİB

    Qəza zamanı avtobusda 8 nəfər olub, onlardan 4-ü yaralanıb

    Quba. 13 aprel. REPORT.AZ/ Quba rayonunda dərəyə aşan mikroavtobusda yaralananların adları məlum olub.

    Quba Rayon Mərkəzi Xəstəxanasından "Report"un Şimal bürosuna verilən məlumata görə, hadisə nəticəsində xəsarət alan 3 nəfərin vəziyyəti ağırdır: "Avtoqəza nəticəsində müxtəlif dərəcəli bədən xəsarətləri alan dörd nəfər xəstəxanaya gətirilib. Onlardan birinə ilkin tibbi yardım göstərilib və ambulator müalicəyə göndərilib. Digər üç yaralı - Quba rayon sakinləri, 1990-cı il təvəllüdlü Ürfan Ürfulla oğlu Həmidovun, 1989-cu il təvəllüdlü Eldar Sarıb oğlu Qədimovun və 1972-ci il təvəllüdlü Hürriyyət Rəhman qızı Teyyubovanın vəziyyətləri ağır olduğu üçün xəstəxananın Reanimasiya şöbəsinə yerləşdirilib".

    *** saat 12:34

    Quba. 13 aprel. REPORT.AZ/ Quba rayonunda mikroavtobus dərəyə aşıb, yaralılar var.

    "Report"un şimal bürosunun verdiyi xəbərə görə, hadisə Bakı-Quba yolunun 173-cü km-də, rayonun Atuc kəndi ərazisindən keçən hissəsində sərnişin avtobusu dərəyə aşıb. 

    Qəza nəticəsində avtobusda 8 nəfər olub, onlardan 4-ü yaralanıb. Yaralılar Quba Mərkəzi Rayon Xəstəxanasına aparılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi