Yuxarı

Qubada istirahət mərkəzini təbii qazla təmin edən xəttin üzərinə qaya parçaları düşüb - FOTO

Azəriqaz: Həmin xətt təmir edilib və istirahət mərkəzinə təbii qazın verilişi bərpa olunub

Quba. 22 iyun. REPORT.AZ/ Quba rayonundakı "Nazlı Bulaq" istirahət mərkəzini təbii qazla təmin edən xətt sıradan çıxıb.  

"Report"un Şimal bürosu xəbər verir ki, buna səbəb Quba-Xınalıq magistral yolu istiqamətində yolun kənarı ilə yeni çəkilmiş qaz xəttinin üzərinə gecə saatlarında qaya parçalarının düşməsidir.  

Nəticədə bir neçə saat ərzində yol bağlanıb. "Azəravtoyol" ASC-nin texnikası əraziyə cəlb olunub və nəqliyyatın hərəkəti bərpa olunub. 

Ancaq əraziyə qazın verilişi müvəqqəti dayandırılıb. 

"Azəriqaz" İstehsalat Birliyindən "Report"a verilən məlumata görə, Qubadakı istirahət mərkəzlərindən birini təbii qazla təmin edən xətt üç gün əvvəl sıradan çıxıb: "Hazırda həmin xətt təmir edilib və istirahət mərkəzinə təbii qazın verilişi bərpa olunub". 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi