Qubada iki maşın toqquşub, ölən var

Qubada yol-nəqliyyat hadisəsi baş verib.

Bu barədə "Report" Daxili İşlər Nazirliyinə istinadən xəbər verir.

Belə ki, avqustun 11-də saat 21 radələrində Quba rayonunun Günəşli kəndi ərazisində 1-ci Nügədi kənd sakini Əmrulla Əfəndiyevin idarə etdiyi “VAZ-21214” markalı və İmişli rayon sakini Q.Səmədovun idarə etdiyi “Shacman” markalı avtomobillər toqquşub. Nəticədə Ə.Əfəndiyev aldığı xəsarətlərlə xəstəxanaya yerləşdirilib və orada ölüb.

Baş İstintaq və Təhqiqat İdarəsi tərəfindən araşdırma aparılır.