Qubada çay məcrasından çıxıb, Rustov kəndini su basıb

Quba rayonunda Cağacıq çayı daşıb, Rustov kəndini su basıb.

"Report"un Şimal bürosunun məlumatına görə, güclü leysan yağışları nəticəsində, Cağacıq çayı məcrasından çıxıb. Nəticədə çayın üzərindəki körpü qəzalı vəziyyətə düşüb, Rustov kəndindəki fərdi yaşayış evlərinə və təsərrüfatlara ziyan dəyib.

Qeyd edək ki, hazırda da Quba rayonunun yüksək dağlıq ərazilərində leysan xarakterli yağış müşahidə edilir.