Qubada avtomobilin dərəyə aşması zamanı xəsarət alanların sayı artıb

Qubada avtomobilin dərəyə aşması nəticəsində iki nəfər xəsarət alıb.

"Report"un Şimal bürosunun verdiyi məlumata görə, hadisə Quba-Xınalıq yolunda qeydə alınıb.

Yaralılar Xırdalan şəhər sakinləri - 1997-ci il təvəllüdlü Şahin Nəriman oğlu Vəliyev və 1946-cı il təvəllüdlü Gülnaz Əbdülhəsən qızı İlyasovadır.

Hadisə yerinə Quba Rayon Mərkəzi Xəstəxanasının təcili tibbi yardım briqadası cəlb olunub, yaralılar həkim briqadası tərəfindən Qusar Rayon Mərkəzi Xəstəxanasına aparılıb. Onlara xəstəxanada müxtəlif dərəcəli bədən xəsarətləri diaqnozu qoyulub.

Faktla bağlı araşdırma aparılır.

13:10

Qubada avtomobilin dərəyə aşması nəticəsində bir nəfər xəsarət alıb.

"Report"un Şimal bürosunun verdiyi məlumata görə, hadisə Quba-Xınalıq yolunda qeydə alınıb.

Hadisə yerinə Quba Rayon Mərkəzi Xəstəxanasının təcili tibbi yardım briqadası cəlb olunub, yaralı həkim briqadasının müşayiəti ilə Qusar Rayon Mərkəzi Xəstəxanasına aparılıb.

Faktla bağlı araşdırma aparılır.