Yuxarı

Qubada ağır yol qəzası baş verib, bir nəfər ölüb

Sıxılmış vəziyyətdə qalan meyit avtomobildən çıxarılaraq aidiyyəti üzrə təhvil verilib

Bakı. 16 noyabr. REPORT.AZ/ Qubada bir nəfərin ölümü ilə nəticələnən ağır yol-nəqliyyat hadisəsi baş verib.

"Report" Fövqəladə Hallar Nazirliyinə (FHN) istinadən xəbər verir ki, qurumun “112” qaynar telefon xəttinə daxil olmuş məlumata əsasən, şəhərdə “ZİL” markalı yük avtomobili ilə "NİVA" markalı minik avtomobili toqquşub.

FHN-nin müvafiq xilasetmə qüvvələri dərhal hadisə yerinə cəlb olunub. Hadisə yerində əməliyyat şəraiti qiymətləndirilərkən məlum olub ki, şəxsiyyəti məlum olmayan 1 nəfər "NİVA" markalı minik avtomobilində vəfat edib və deformasiyaya uğramış avtomobildə sıxılmış vəziyyətdə qalıb.

Yanğınsöndürən-xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə sıxılmış vəziyyətdə qalan meyiti avtomobildən çıxararaq aidiyyəti üzrə təhvil veriblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi